ఏది నిజం? ఏది అభద్ధం ?

నిజాన్ని తోసుకుంటూ

అబద్ధం నాలుగడుగులు

ముందుకు దూసుకెళ్ళుతోంటే..

అబద్ధాని అసహ్యించుకుంటూ

నిజం నలభై అడుగులు వెనక్కి పోతోంది

ఏది నిజమో ఏది అభద్ధమో

అర్థం కాని అయోమయంలో

అమాయకుడు

నిజం చెప్పలేక

అబద్ధం చెప్పకుండా మనలేక

క్షణ క్షణ రణ రంగంలో

ఆయుథాలు కోల్పోయిన సైనికుడై

నిస్తేజుడై విస్తుపోయి చూస్తున్నాడు

ఏది గమ్యం?.. ఏమి గమనం?

జీవన పోరాటంలో బదులు లేని ప్రశ్నలు

నిలకడలేని సమాధానాలు