కొత్త బంగారు లోకం _ తెలుగుకళ: ఎన్సీసీ ’యూత్ ఎక్సేంజి ప్రోగ్రామ్ ’ద్వారా రష్యా పర్యటించిన విజయవాడ విద్యార్థి… సుమంత్

2009 లో రిపబ్లిక్ డే పెరేడ్ లో పాల్గొనే మహత్తర అవకాశాన్ని పొంది , అక్కడ ఎన్ సీ సీ డైరెక్టర్ జనరల్ నిర్వహించిన ఇంటర్వ్యూలో ఎంపికైన పదిమంది కేడెట్లలో ఆంధ్రరాష్ట్రం నుండి ఎంపికైన ఒకే ఒక్కడిగా విజయవాడ పీ.బీ. సిథ్థార్థా ఆర్ట్స్ కళాశాల విద్యార్థి సుమంత్ రష్యా పర్యటన పూర్తి చేసి వచ్చాడు. మన దేశం నుండి బయలు దేరిన ఎన్.సీ.సీ. బృందం అక్టోబర్ 23 నుండి నవంబర్ 2 వరకు యూత్ ఎక్సేంజి ప్రోగ్రామ్ ద్వారా రష్యా కు వెళ్లి అక్కడి ఎన్సీసీ బృందాన్ని కలిసి రెండు దేశాల సాంస్కృతిక, ఆర్థిక , రాజకీయ, సామాజిక , విద్యా విషయాల పై తమ అవగాహనను పంచుకున్నాయి.

యూత్ ఎక్సేంజ్ ప్రోగ్రాం ద్వారా సుమంత్ పొందిన అనుభవాలను మీకోసం అందిస్తున్నాను.

ఎన్సీసీ ద్వారా ఎంత మంచి అవకాశాలు స్వాగతం పలుకుతాయో , ఎన్సీసీ ప్రాముఖ్య్తత, ఆవశ్యకత తెలియజెప్పటమే ఈ పోస్టు ఉద్దేశ్యం.

సుమంత్ గురించి:

సుమంత్: విజయవాడ పీ.బీ. సిద్ధార్థా ఆర్ట్స్ కళాశాలలో డిగ్రీ చివరి సంవత్సరం చదువుతున్న తెలివైన, చురుకైన విద్యార్థి.వినయవిధేయతలు , మంచి -మర్యాద తెలిసిన అబ్బాయి.

ఎన్సీసీలో రిపబ్లిక్ డే పరేడ్ లో పాల్గొనే అవకాశం లభించినపుడు అతని తండ్రి మరణించినప్పటికీ తల్లి ఓదార్పు, కళాశాల ప్రోత్సాహాలతో క్యాంపును విజయవంతంగా పూర్తి చేసాడు.

యువతని ర్యాంకులు, ఉద్యోగాలే లక్ష్యంగా ఒత్తిడికి గురిచెయ్యకుండా ఉంటే, నచ్చిన అంశాల్లో వారినిఎదగనిస్తే వారి సత్తా ప్రపంచానికి తెలుస్తుంది.

సుమంత్ విషయంలో అతని కుటుంబం, కళాశాల బృందం, స్నేహితులు నిజంగా అభినందనీయులు.

సుమంత్ ఇచ్చిన పర్యటన రష్యా వివరాలు:

రష్యా లోని మాస్కోలో రెడ్ స్క్వేర్ లో భాగమైన క్రెమ్లిన్ చర్చి ముందు అలెక్ అనే ఇంటర్పెటర్ తో ఎన్సీ్సీ బృందం..

త్రిత్యాకోవ్ ఆర్ట్ గ్యాలరీ ముందు ఇండియన్ డెలిగేషన్ తో పాటు టూరిస్ట్ గైడ్ ఇరీనా అలెగ్జాండ్రోవా ( పైవరుసలో ఎడమ నుండి మూడవ వ్యక్తి)

రెడ్ స్క్వేర్ లోని మరియొక భాగమైన మాస్కో స్టేట్ మ్యూజియం ముందు

రష్యన్ సాహిత్యకారులు, రష్యా పెయింటర్స్, యోధులు, మొదలగువారి పెయింటింగ్స్ ,

యుద్ధకాలపు వస్తువులు, రైఫిల్స్, పురాతన వస్తువులు ఈ మ్యూజియంలో ఉన్నాయి.

మాస్కో బ్రిడ్జి పై సుమంత్:

ఈ నది పేరుతోనే మాస్కో నగరానికి ఆ పేరు వచ్చింది,.

బ్రిడ్జి పైన ఉన్న ఇనుప చెట్లకు కొత్త గా పెళ్ళైన జంటలు వచ్చి ఆ చెట్టు కు తాళంకప్ప వేసి తాళం చెవులను మాస్కో నదిలో విసిరి వేస్తారు. ఇలా చేస్తే వారి బంధం అంత ధృఢంగా ఉంటుందని వారి విశ్వాసమట.

ఎన్సీసీ టీమ్ ( ఇండియన్ డెలిగేశన్ ) కు ఆతిథ్యమిచ్చిన హోటల్ మాక్సిమా.

మాస్ల్కోకి ఇది ఉత్తరాన ఉంది.

రష్యాలోనే అతి పెద్ద దైన క్రైస్ట్ ద సేవియర్ ’ చర్చి కి వెళ్ళే దారిలో రోడ్దుపై గల ఫిరంగి

అత్యంత పెద్దదైన చర్చి:

ఎత్తు 103 మీటర్లు. ఇటాలియన్ కోరర్ మార్బుల్స్ తో దీన్ని నిర్మించారు.

చర్చి లోపల ఏసుక్రీస్తు జీవిత విశేషాలను తెలియజెప్పే పెయింటింగ్స్ ఉంటాయి.

ఇది లక్కీ బెల్ గా మాస్కోలో ప్రఖ్యాతి చెందిన రాగి , బంగారు మిశ్రమాల నిర్మాణం. ఇందులోని విరిగిపడిన ముక్కను ఎవరైతే చేతులతో బాగా రుద్దుతారో వారికి అంత ఎక్కువ లక్ ( అదృష్టం ) వస్తుందని అక్కడి వారి విశ్వాసమట.

ఇది మాస్కో స్టేట్ యూనివర్సిటీ .

1793 లో నే ఇది ప్రారంభించబడింది. ఇది రష్యాలోనే ప్రతిష్టాత్మకమైన యూనివర్సిటీ.

ఫారిన్ లాంగ్వేజెస్ శిక్షణకు ఇది ప్రఖ్యాతి గాంచింది.

మాస్కో లోనే అత్యున్నత మైన స్పారో హిల్ పైన ఇండియన్ డెలిగేషన్ టీం.

రశ్యాలో విద్యా విధానం మన విధానాలకి పూర్తి భిన్నం. అక్కడ పాఠశాల చదువు పూర్తిగా ఉచితం. ప్రయివేటు , ప్రభుత్వ పాఠశాలలు విడిగా ఉండవు. అన్ని పాఠశాలలు ప్రభుత్వ నిర్వహణలోనే కొనసాగుతాయి.

చదువుకాకుండా ఇతర నైపుణ్యాలు నేర్చుకోవడానికి ఆర్ట్స్ స్కూల్స్, హ్యాండీ క్రాఫ్ట్ స్కూల్స్ ప్రత్యేకంగా ఉంటాయి.

ఆర్ట్స్ స్కూల్స్ లో పిల్లలు సంగీతం , ఇన్స్ట్రుమెంట్స్, డాన్స్, పెయీంటింగ్ తదితర శిక్జణలు ఉచితంగా పొందవచ్చు.

పై పోటోలో ఉన్నది హ్యాండీ క్రాఫ్ట్ స్కూల్ లో శిక్షకురాలి తో సుమంత్:

వ్యర్థాలతో చక్కని వస్తువుల తయారీ ఇక్కడ నేర్పిస్తారు.ఇది చెర్న్యెంకా గ్రామం.అక్కడి పల్లెటూర్లు కూడా ఎంతో అభివృద్ధి చెందివుంటాయి.

మొసాస్ట్రీ .. చర్చి.అక్కడ పూర్వం ఐదుగురు సాధువులు ఉండేవారట. అండర్ గ్రౌండ్ లో వారి నివాసాలున్నాయి. ఆర్ఠొడాక్ క్రిస్టియానిటీ కి చెందిన కట్టడమిది.

రష్యాలోనే అతిపెద్ద ఇనుము ఉక్కు కర్మాగారం:

అందులో 11,700 మంది వర్కర్లు పనిచేస్తున్నారు.

సాలీనా 3 లక్షల టన్నుల స్టీల్ ను ఇక్కడ. ఉత్పత్తి చేస్తారు

4 స్టీల్ ఉత్పత్తి యంత్రాలు ఇక్కడ. ఉన్నాయి. వాటిలో ఒక్కొక్కటి నూట అరవై టన్నుల స్టీల్ ఉత్పత్తి చేస్తుంది.

ఒరోనెజ్ స్టేట్ యూనివర్సిటీ విద్యార్థులతో మన బృందం.

రీజినల్ హెడ్ ఆఫ్ యూత్ పాలసీ , బెల్గ్రాడ్ రీజియన్ కి అఫీషియల్ హెడ్ . .. ఇచ్చిన స్వాగత విందు లో

అతిథులను సత్కరిస్తూ

గత యుద్ధసైనికుల వస్తువులు గల మ్యూజియుం లో స్టెయిరీ ఆస్కాల్ నగరం లో

రష్యా సాంప్రదాయ వివాహ దుస్తుల మధ్య సుమంత్:

హాల్ ఆఫ్ సెరిమోనీ ’ లో షాపింగ్ మాల్: ఖరీదైన దుస్తులు.

ఒక్కొక్కటి నలభై వెల రూబుల్స్. ( మన కరెన్సీ ప్రకారం దాదాపు అరవై నాలుగు వేల ఖరీదు ఉంటుందట.)

ఇది స్కూల్ నంబర్ 27 ( స్కూల్ కి పేరు ఉండదు. నంబర్ లే )

స్కూల్ సాంస్కృతిక కార్యక్త్రమాలలో..

కెడెట్ కోర్ ఆఫ్ రష్యా ఆఫీసర్స్ తో.

కాన్ఫరెన్స్ హాలు లో స్కూల్ నంబర్ 19 లో మన ఎన్సీసీ గురించి పవర్ ఫాఅయింట్ ప్రెజెంటే షన్ చూపించారు.

అక్కడి ఎన్సీసీ బృందంతో

ఇండియన్ కెడెట్ల కోసం వారి డ్రిల్ ప్రదర్శిస్తున్న రష్యన్ కెడెట్స్

ఫైర్ ఫైటింగ్ పార్టీ రెస్క్యుఊ ఆపరేషన్స్ ప్రదర్శించి చూపిన అనంతరం

స్కూల్ నంబర్ 19 లో భారతీయ సంప్రదాయాన్ని ప్రతిబింబిస్తూ ’ మహా గణపతిం మనసా స్మరామి .. ’ గేయానికి నృత్యప్రదర్శ్న చేస్తున్న ఇండియన్ కెడెట్ ఆభా ( మహారాష్త్ర )